ქართული ოცნების თავმდჯომარე ირაკლი კობახიძე აცხადებს, რომ ევროპარლამენტის კონკრეტული დეპუტატების განცხადებები საქართველოში პოლარიზაციას აღრმავებს და მოუწოდებს მათ ნუ დააზიანებენ ქვეყანას.

"ერთი და იგივე სახეები, ერთი და იგივე ლობისტები მუდმივად, 2012 წლიდან მოყოლებული საუბრობენ იმაზე, რომ არ შეიძლება ვიღაცის დაჭერა, დამნაშავის ციხეში გაშვება და ა.შ. ასეთი განცხადებები ერთი რომ ხელს უწყობს პოლარიზაციას და ეს არის ძალიან ცუდი. ყველას მოვუწოდებთ, პატივი სცენს კანონის უზენაესობას და სამართალს ამ ქვეყანაში, წინააღმდეგ შემთხვევაში ისინი იქნებიან გარკვეული წვლილის შემტანი იმ პოლარიზაციაში, რომელიც ქვეყნისთვის არის დამაზიანებელი. ნუ დააზიანებენ ჩვენს ქვეყანას", — განაცხადა კობაიხიძემ.

მისივე თქმით, ქართულმა საზოგადოებამ და საერთაშორისო საზოგადოებამ ყველაფერი იცის მიხეილ სააკაშვილის მიერ ჩადენილ დანაშაულთა შესახებ.

"თუ რომელიმე ევროპარლამენტარი იტყვის, რომ იმედი არ დარბეულა, 7 ნოემბერი არ ყოფილა და ასე შემდეგ, მაშინ შეიძლება ვიმსჯელოთ სტრასბურგზე. მათ შორის გირგვლიანის საქმეზე, რაზეც მას შეფარდებული აქვს სასჯელი, სტრასბურგმა მისი დანაშაულებრივი ქმედება დაადასტურა. შესაბამისად, რა თქმა უნდა კონკრეტული ევროპარლამენტარების ამ განცხადებას საკმაოდ მძიმე შეფასება უნდა მივცე", — თქვა მან.

ევროპარლამენტარების მწვავე კრიტიკის შემდეგ, გიგი უგულავა და გიორგი რურუას ციხიდან გათავისუფლებაზე მან, ასევე, განაცხადა, რომ ეს მართლმსაჯულების პოლიტიზების ძალიან ცუდი მაგალითი იყო და მსგავსი რამ არ განმეორდება.