ბუნების მოყვარულთათვის მშვენიერი სიახლე გვაქვს: საქართველოში ჯიქი 12 წლის განმავლობაში პირველად დააფიქსირეს! ამის შესახებ ინფორმაციას სახეობათა კონსერვაციის სამეცნიერო-კვლევითი ცენტრი NACRES ავრცელებს.

ჯიქი თუშეთის დაცული ტერიტორიებიდან, 2021 წელი

ფოტო: NACRES

ცხოველის ფოტო ნაკრესის კონსერვაციულმა კვლევის ჯგუფმა თუშეთის დაცულ ტერიტორიებზე 2 თვის წინ დამონტაჟებული ფოტოხაფანგის შემოწმებისას აღმოაჩინა. ფოტოხაფანგმა ჯიქი, ანუ ლეოპარდი (Panthera pardus) აგვისტოში დააფიქსირა.

აღსანიშნავია, რომ საქართველოში ლეოპარდი ბოლოს 2009 წელს გამოჩნდა. ცხოველის ნაკვალევი ვაშლოვანის დაცულ ტერიტორიებზე იპოვეს.