ჩრდილოეთ კორეის შესახებ არაერთი საინტერესო ინფორმაცია წაგიკითხავთ, მათ შორის ისიც, რომ თუ დანაშული ჩაიდინეთ, სასჯელი სამ თაობაზე გავრცელდება. რა თქმა უნდა, ეს მათი აბსურდული კანონებიდან არც პირველი და არც უკანასკნელია. კორეის სახალხო დემოკრატიული რესპუბლიკას, როგორც მას უწოდებენ, დემოკრატიული ღირებულებები ნაკლებად აქვს.

ამის დასამოწმებლად კორეიდან გაქცეული გოგონას გამოსვლა შეგვიძლია მოვიყვანოთ, რომელშიც ის ქვეყანაში არსებულ მძიმე მდგომარეობაზე საუბრობს და ამბობს, რომ მისი მეგობრის დედა მხოლოდ იმიტომ დასაჯეს, რომ ჰოლივუდურ ფილმს უყურა.

ცოტა ხნის წინ, კი Youtuber-მა ჯეიკობ ლაუკაიტისმა ჩრდილოეთ კორეაში შვიდი დღე გაატარა და მოგზაურობის ამსახველი ვიდეო გაავრცელა. ის ამბობს, რომ პასპორტებს დროებით ართმევენ და სპეციალურ მოწმობას აძლევენ. ტურისტებს კი ადგილობრივი გიდები მთელი მოგზაურობის განმავლობაში აკონტროლებენ, სპეციალურად შერჩეულ დროს სხვადასხვა ადგილის დასათვალიერებლად მიჰყავთ და მხოლოდ იმას აჩვენებენ, რისი ჩვენებაც სურთ. ინიციატივის გამოჩენა დაუშვებელია. ყოველთვის, როცა ტურისტს ფოტოს გადაღება სურს, ნებართვა გიდისგან უნდა აიღოს. ამასთან, ჯარისკაცებისთვის, მუშებისთვის, მშენებლობებისთვის და ა.შ. ფოტოს გადაღება აკრძალულია. ჩრდილოეთ კორეის ლიდერები ქვეყანაში გაღმერთებული ჰყავთ, ამიტომ ნებისმიერი სახის უპატივცემულობა მათი ფოტოს ან ქანდაკების მიმართ უდიდეს დანაშაულად ითვლება.

როგორც აღმოჩნდა, ყველაფერთან ერთად ჩრდილოეთ კორეის კალენდარიც განსხვავებული აქვს. მათ წელთაღრიცხვის დასაწყისად 1912 წლის 15 აპრილი ითვლება, როდესაც რევოლუციონერი ლიდერის, კიმ ირ სენი დაიბადა. რაც იმას ნიშნავს, რომ ახლა ქვეყანაში არა 2017 არამედ 106 წელია.

ჩრდილოეთ კორეელები საკუთარ კალენდარს ჩუჩხეს კალენდარს უწოდებენ.