მთავრობის განკარგულებით, სახელმწიფო ელექტროსისტემას საქართველოს წითელი ნუსხით დაცულ მცენარეთა სახეობების მოჭრაზე თანხმობა მიეცა.

კერძოდ, აჭარის ავტონომიური რესპუბლიკის ტერიტორიაზე 220 კვ-იანი საჰაერო ელექტროგადამცემი ხაზის ახალციხე-ბათუმის მშენებლობის მიზნით, სახელმწიფო ელექტროსისტემას უფლება მიეცა, ბუნებრივი გარემოდან ამოიღოს ქედის მუნიციპალიტეტში მდებარე მიწის ნაკვეთებზე არსებული, საქართველოს წითელ ნუსხაში შეტანილი მცენარეების შემდეგი სახეობები:

  1. კაკლის ხე (Juglans regia L) – 3 (სამი) ინდივიდი;
  2. ჩვეულებრივი წაბლი (Castanea sativa Mill.) – 60 (სამოცი) ინდივიდი;
  3. კოლხური მუხა (Quercus hartwissiana Stev) – 209 (ორას ცხრა) ინდივიდი.

მთავრობის განკარგულებით, სახელმწიფო ელექტროსისტემა ვალდებულია გარემოსდაცვითი ზედამხედველობის დეპარტამენტს წინასწარ აცნობოს საქართველოს წითელ ნუსხაში შეტანილი მცენარეთა სახეობების ბუნებრივი გარემოდან ამოღების დაგეგმილი ვადების შესახებ.

ასევე, მოჭრილი მერქნული რესურსი, დაუკოტრავი სახით, სახეობების მიხედვით, დაასაწყობოს აჭარის სატყეო სააგენტოს მიერ მითითებულ ტერიტორიაზე და გადასცეს მას მიღება-ჩაბარების აქტით.