რა გვჭირდება შობა-ახალი წლის სრულფასოვანი აღნიშვნისთვის? რა თქმა უნდა ნაძვის ხე, ორნამენტებიანი წინდები, თოვლი და მერაია ქერის ცნობილი ჰიტი All I Want For Christmas Is You.

ცოტა ხნის წინ მერაია ქერიმ გულშემატკივრებს სიურპრიზი გაუკეთა და დააანონსა, რომ ცნობილ სიმღერას, რომელიც 1994 წელს გამოვიდა, ანიმაციური ფილმი მიეძღვნება.

"ბევრი არაფერი მჭირდება შობისთვის. ერთადერთი რამ მინდა და ეს შენ ხარ", - ამბობს მერაია ვიდეოში.

"გვჯერა, რომ ეს ანიმაციაც გადაიქცევა საშობაო ტრადიციად, ისევე, როგორც ერთ დროს მერაიას სიმღერა იქცა. მასში იქნება ბევრი სიცილი, ბევრი გართობა და, რა თქმა უნდა, მერაია ქერი", - ამბობს ფილმის პროდიუსერი გლენ როუზი.