საზოგადოებრივ მაუწყებელთან სტუმრობისას, ქართული ოცნების თავმჯდომარე ირაკლი კობახიძე ყოფილ თანაგუნდელს, გიორგი გახარიას "ვიღაც კოკაინშიკად" მოიხსენიებს და წამყვანს ეუბნება, რომ მასზე 15 წუთის დახარჯვას, ჯობია სხვა თემაზე ისაუბრონ. მან, ასევე, გახარიას პატარა ჭანჭიკი უწოდა.

"მგონი ჯობია სხვა თემებზე ვისაუბროთ, ნაცვლად იმისა, რომ ვიღაცა კოკაინშიკზე დავხარჯოთ 15 წუთი... მთავარი თემა არის ის, რომ ჩვენ არ უნდა დავუშვათ ნაც. მოძრაობის რევანში, რისი ერთი პატარა ჭანჭიკი არის ამ შემთხვევაში გახარია. ჩვენ იმის მაგივრად რომ ვისაუბროთ მთავარ პრობლემაზე, ვსაუბრობთ ვიღაცა ჭანჭიკზე", — თქვა კობახიძემ.

ქართული ოცნების ლიდერებმა ღიად დაიწყეს მინიშნება იმის შესახებ, რომ გიორგი გახარია ნარკოტიკებს მოიხმარს.

თავად გახარიამ 17 სექტემბერს განაცხადა, რომ ვენის ჰოსპიტალში ჩატარებული ექსპერტიზის შედეგად, ნარკოტიკული ნივთიერების მოხმარება არ დაუდასტურდა.

ნარკოტესტი პირველად ქართული ოცნების მერობის კანდიდატმა, კახა კალაძემ ჩაიტარა, ეს ჯანსაღი ცხოვრების პოპულარიზაციით ახსნა და სხვა კანდიდატებსაც იგივე მოუწოდა. მოწოდების საპასუხოდ, გახარიამ განაცხადა, რომ ოპონენტებმა მასთან დებატებზე პირისპირ დაჯდომის შიშით "ბანკებით" სირბილი დაიწყეს. 10 სექტემბერს მან, ასევე, განაცხადა, რომ ახლო მომავალში ნარკოტესტთან დაკავშირებით "საინტერესო ინფორმაციას" გაამხელდა.

გაიგე მეტი: