Apple Watch Series 7-ზე ძალიან ბევრი ინფორმაცია ვრცელდებოდა და რამდენიმე წუთის წინ Apple-მა ის ოფიციალურად წარადგინა. განახლებები ბევრ კომპონენტს შეეხო, თუმცა გავრცელებული ჭორები, რომ ახალი Watch ბრტყელ გვერდებს მიიღებდა, არ გამართლდა, თუმცა, დრამატულადაა გაზრდილი ეკრანის ზომა.

Watch Series 7 1,7მმ-იან ჩარჩოებს მიიღებს, რაც ძალიან პატარაა და ფაქტობრივად შეუმჩენეველი იქნება.

საათის ეკრანი Always-On Display რეჟიმში 70%-ით უფრო კაშკაშა იქნება ვიდრე მისი წინამორბედი.

Apple გვპირდება, რომ საათის ეკრანზე 50%-ით უფრო მეტი ტექსტი გამოჩნდება, ვიდრე Series 6-ში ჩანდა.

საგრძნობლად გაუმჯობესდა საათის გამძლეობაც. Apple Watch Series 7-მა IP6X სერთიფიკატი მიიღო, რაც იმას ნიშნავს, რომ საათში მტვერი არასდროს მოხვდება.

საათის ელემენტი ერთი დატენვით 18 საათი გაძლებს. გარდა ამისა, Series 7-მა ახალი ფერებიც მიიღო.

Apple-მა საათის ფასიც გაგვანდო.

Series 7 $399 ეღირება. ამის ფონზე შეიცვალა წინამორბედი საათების ფასები. Series 3 ამიერიდან 199 დოლარი ეღირება, ხოლო Watch SE-ს ფასი 279 დოლარამდე დაეცემა.

ეს არის მოკლე შეჯამება იმისა, რა ფუნქციებსაც Apple Watch Series 7 მიიღებს და რა შესაძლებლობებსაც მოგცემთ თქვენ.