მსოფლიოში არსებული კოვიდ-19-ის პანდემიის გამო უმაღლესი განათლების სექტორი მრავალი გამოწვევის წინაშე დადგა. ბევრი რამ შეიცვალა, მათ შორის უნივერსიტეტის, ქვეყნის მოთხოვნები სტუდენტების მიმართ. თუ შენ სწავლის გაგრძელებას საზღვარგარეთ აპირებ, ამ სიახლეების გაცნობა და საკუთარ საჭიროებებზე მორგებული უნივერსიტეტის შერჩევა შენთვის ძალიან მნიშვნელოვანია.

სწორედ ამიტომ კოვიდ-19-ის მიერ შექმნილ პირობებში ამერიკულ-ქართული განათლების ცენტრი გამართავს სრულიად უსაფრთხო განათლების საერთაშორისო გამოფენას, რომელიც ვირტუალურ რეჟიმში წარიმართება და საქართველოს გარდა უმასპინძლებს მოსწავლეებს, სტუდენტებსა და მათ მშობლებს აზერბაიჯანიდან, თურქეთიდან, უკრაინიდან და ყაზახეთიდან. გამოფენაზე რეგისტრაცია და დასწრება არის უფასო.

მონაწილეობის მისაღებად საჭიროა გაიაროთ რეგისტრაცია შემდეგ ბმულზე: https://leafonlinefair.com.

გამოფენა გაიმართება 2021 წლის 9 ოქტომბერს, 12:00-დან 17:00 საათამდე. მსურველებს სახლიდან გაუსვლელად საკუთარი ტელეფონებიდან, პლანშეტებიდან ან პერსონალური კომპიუტერებიდან შეეძლებათ ეწვიონ ვირტუალურ საგამოფენო სივრცეს. გამოფენაზე დასწრება საშუალებას მოგცემთ გაეცნოთ ევროპისა და აშშ-ს სხვადასხვა უნივერსიტეტის პროგრამებსა და შეთავაზებას საერთაშორისო სტუდენტებისათვის. განათლების ვირტუალური გამოფენის პლატფორმა საშუალებას აძლევს სტუმრებს პირადად გაესაუბრონ უნივერსიტეტების წარმომადგენლებს ჩატის მეშვეობით, უყურონ ინფორმაციულ ვიდეოებს, დაათვალიერონ უნივერსიტეტის ინფრასტრუქტურა, ჩამოტვირთონ ბუკლეტები, გაუგზავნონ უნივერსიტეტს საკუთარი სივი/რეზიუმე, გაეცნონ პროგრამებს, ფასებსა და დაფინანსების მოპოვების შესაძლებლობებს.

საერთაშორისო განათლების ვირტუალური გამოფენის ოქროს სპონსორები - Mt. San Antonio College, IE University;

ვერცხლის სპონსორები - CBS International Business School, EU Business School.

მონაწილე უნივერსიტეტები და ბანაკები გახლავთ:

  • Mt. San Antonio College - აშშ;
  • IE University - ესპანეთი;
  • CBS International Business School - გერმანია;
  • EU Business School - გერმანია, ესპანეთი, შვეიცარია;
  • John Cabot University - იტალია;
  • University of Kansas - აშშ;
  • IFM Business School - შვეიცარია;
  • University of Padua - იტალია;
  • Arizona State University - აშშ;
  • Online Business School

ცენტრის შესახებ

ამერიკულ-ქართული განათლების ცენტრი LEAF-ის მოსწავლეების 80%-ზე მეტი მსოფლიოს წამყვან უნივერსიტეტებში სრულ ან ნაწილობრივ დაფინანსებას იღებს. ცენტრი 2008 წლიდან წარმატებით ეხმარება მსურველებს საბაკალავრო თუ სამაგისტრო პროგრამებზე საზღვარგარეთ ჩაბარებაში.

LEAF საერთაშორისო საგანმანათლებლო ორგანიზაციის ICEF-ის მიერ აღიარებული განათლების ცენტრია. კოპმანია საქართველოში მრავალ ევროპულ და ჩრდილოეთ ამერიკულ უნივერსიტეტს წარმოადგენს. ცენტრს მუდმივი კომუნიკაცია აქვს მსოფლიოს უნივერსიტეტებთან და სკოლებთან და ფლობს განახლებად ინფორმაციას საერთაშორისო ტესტებისა და მიღების კრიტერიუმების შესახებ.

LEAF-ის სერვისები

განათლების ცენტრში მოსწავლეებს შესაძლებლობა აქვთ, მოემზადონ ისეთი საერთაშორისო ტესტებისთვის, როგორიცაა SAT, TOEFL, IELTS, FCE. ისინი გაივლიან ინგლისური ენის კურსებსაც.

კონსულტაციების დეპარტამენტს უძღვება გიორგი ჩავლეიშვილი, რომელსაც 10-წლიანი გამოცდილება აქვს College Counseling-ში და მისი დახმარებით სრული ან ნაწილობრივი დაფინანსებით ასობით მოსწავლე მსოფლიოს საუკეთესო უნივერსიტეტებში სწავლობს.