პარტია საქართველოსთვის ლიდერის, გიორგი გახარიას განცხადებით, როცა მოქმედმა პრემიერმინისტრმა, ირაკლი ღარიბაშვილმა "მაზაკვალი" უწოდა, მშვიდი რეაქცია ჰქონდა. მისი მტკიცებით, ასეთი შეფასებები მასზე აღარ მოქმედებს.

"მშვიდი, უბრალოდ, როგორ გითხრათ, საქართველოს პრემიერზე, როგორც ინსტიტუტზე, ცოტა გული დამწყდა. მრჩევლები უნდა ჰყავდეს ცოტა უკეთესი. თორემ ჩემთვის პერსონალურად, მე ასეთი სიტყვები, ლანძღვა, ჭორაობა ჩემზე აღარ მოქმედებს. ისეთი იმუნიტეტი შევიძინე, უბრალოდ იმდენად კოსმიურ რაღაცებზე ლაპარაკობენ, რომ მე ეს მაძლიერებს", — განაცხადა მან TV პირველის ეთერში.

26 აგვისტოს მოქმედმა პრემიერმინისტრმა ყოფილი პრემიერმინისტრი სამეგრელოში მეგრულად გააკრიტიკა. ღარიბაშვილმა გახარიას "მოღალატე მაზაკვალი" უწოდა. სიტყვა "მაზაკვალის" მნიშვნელობა მიახლოებით არის დამთარსველი, ეშმაკი.