ავსტრალიის ოფიციალურმა პირებმა მგზავრების გაფრთხილება დაიწყებს, ნუ ატარებენ ტექნიკას დატენილი ბატარეებით, მას შემდეგ, რაც შუა ფრენისას ერთ-ერთი მგზავრის ყურსასმენებს ცეცხლი მოედო.

BBC-ის ინფორმაციით, ქალს ეძინა, როდესაც პეკინიდან მელბურნის გზაზე აფეთქების ხმამ გააღვიძა.

მან მაშინვე ყურსასმენები მოიხსნა და აღმოაჩინა, რომ ისინი იწვოდა და დნობას იწყებდა.

აფეთქებამ და ცეცხლმა მას ხელზე დამწვრობები დაუტოვა, სახე კი კვამლით გაუშავა.

მგზავრმა, რომელსაც ვინაობის გამჟღავნება არ სურს, თქვა, რომ ის ფრენის დროს მუსიკას უსმენდა, როდესაც მოულოდნელად აფეთქების ხმა გაისმა:

"გაღვიძებისთანავე ხელები ჩემი სახისკენ წავიღე, რა დროსაც ყურსასმენები კისერზე შემომეხვია. ვიწვოდი, ამიტომ მათ ხელი მოვკიდე და ძირს დავყარე. ისინი ნაპერწკლებს ყრიდდნენ და ცეცხლი ეკიდა".

ეკიპაჟის წევრებმა ცეცხლი წყლით ჩააქრეს, ამ დროისთვის ბატარეა და პლასტიკური ბუდე დამდნარი იყო და იატაკზე იყო დაკრული.

ყურსასმენების ბრენდი უცნობია, თუმცა გავრცელებული ინფორმაციით, აფეთქება ლითიუმ-იონის ბატარეამ გამოიწვია.