საგარეჯოში ლელოს მერობის კანდიდატი მფრინავი ეკა ქვლივიძე იქნება. ის ლელოს ლიდერმა, მამუკა ხაზარაძემ, წარადგინა. საგარეჯოს მუნიციპალიტეტში კი მაჟორიტარობის კანდიდატები არიან თორნიკე ჩუნთიშვილი, თამარ ყორღანაშვილი, გიორგი ჭავჭანიძე, გოჩა ლაშქარაშვილი და სულიკო გრძელიშვილი.

ეკა ქვლივიძემ საგარეჯოს მუნიციპალიტეტის პრობლემებზე ისაუბრა და თქვა, რომ აქ მცხოვრები ადამიანები ვერ გრძნობენ, ქვეყანას მთავრობა თუ ჰყავს.

"მე, პირადად, მზად ვარ, თქვნთან ერთად შევქმნა ახალი საგარეჯო. მეტიც, მე მინდა, რომ ერთად შევქმნათ მეტი, ვიდრე საგარეჯო", — განაცხადა მერობის კანდიდატმა.

ლელოს ლიდერმა კი აქცენტი ოპოზიციის საერთო გამრჯვებასა და უკვე მომავალ წელს კოალიციური მთავრობის შექმნაზე გააკეთა, რადგა, მისი თქით, ეს იქნება გამოსავალი შექმნილი მძიმე კრიზისიდან.

"დაუჭირეთ მხარი ნებისმიერ ოპოზიციურ პარტიას იმისთვის, რომ შევცვალოთ ის პარადიგმა, რომელიც ქვეყანაშია. ჩვენ უნდა გადავიდეთ მრავალპარტიულ მმართველობაზე. ჩვენ ქვეყნას სჭირდება და ამას მივაღწევთ, რომ დავამარცხებთ ქართულ ოცნებას და აუცილებლად გვეყოლება კოალიციური მთავრობა", — განაცხადა მამუკა ხაზარაძემ.