მსახიობი ანჯელინა ჯოლი დღეიდან დიდი ბრიტანეთის ერთ-ერთ ყველაზე პრესტიჟულ სასწავლებელში, ლონდონის ეკონომიკის სკოლაში მიწვეული ლექტორის რანგში ადამიანის უფლებების შესახებ ლექციებს წაიკითხავს.

ანჯელინა ლექციებს ქალთა, მშვიდობისა და უსაფრთხოების ცენტრის მაგისტრატურის სტუდენტებისთვის კითხულობს.

"ძალიან ვნერვიულობ და თავს პეპელასავით ვგრძნობ. ეს ჩემთვის ძალიან მნიშვნელოვანი თემაა, ამიტომ აღტაცებული ვარ მსგავსი პროგრამის შექმნით. იმედი მაქვს, რომ სხვა საგანმანათლებლო დაწესებულებები ამ მაგალითს მიბაძავენ. აუცილებელია, გაფართოვდეს დისკუსია ქალთა უფლებების დაცვის შესახებ, იმის შესახებ, თუ როგორ უნდა დავასრულოთ ქალების წინააღმდეგ ჩადენილი დანაშაულისთვის იგნორირება", - ამბობს ჯოლი.