სათადარიგო საბურავის დაყენება უმეტესად ისეთ დროს და ისეთ სიტუაციაში ხდება ხოლმე საჭირო, როცა ამას ყველაზე ნაკლებად ველოდებით. ამიტომ, ყველა მძღოლმა უნდა იცოდეს, როგორ შეცვალოს საბურავი უშეცდომოდ. საბურავის შეცვლა ერთი შეხედვით ძალიან მარტივია და თითქოს ყველამ იცის, მაგრამ არის დეტალები, რასაც ბევრი არ ითვალისწინებს.

#თეგეტასსახელმძღვანელო მარტივად აგიხსნით, როგორ შეცვალო საბურავი სწორად.

როდესაც მიხვდებით, რომ საბურავი დაეშვა, გააჩერეთ ავტომობილი მაქსიმალურად უსაფრთხო ადგილზე. სასურველია, გაჩერდეთ სწორ ზედაპირზე.

თუ თქვენს მანქანას მექანიკური გადაცემათა კოლოფი აქვს, ბერკეტი მოათავსეთ 1 სიჩქარის პოზიციაში, ხოლო თუ ავტომატიკაა — პარკინგის პოზიციაში. ამოწიეთ ხელის მუხრუჭი, გამორთეთ ძრავა და ჩართეთ ავარიული მაჩვენებელი. სასურველია, გამოიყენოთ უსაფრთხოების სამკუთხედი.

დაგჭირდებათ დომკრატი, სათადარიგო საბურავი და ქანჩის გასაღები.

გაითვალისწინეთ: თუ თქვენს ავტომობილს სპეციალური, მცირე ზომის სათადარიგო საბურავი აქვს, ყურადღება უნდა მიაქციოთ და გაითვალისწინოთ მაქსიმალური სიჩქარის შეზღუდვა. დროებითი საბურავი არის იმისათვის, რომ შეკეთების ან შეცვლის უახლოეს სერვისამდე მიხვიდეთ.

თუ თან გაქვთ ყველა საჭირო ინსტრუმენტი, შეგიძლიათ დაიწყოთ საბურავის შეცვლა:

პირველი რაც აუცილებლად უნდა გააკეთოთ არის ის, რომ მსუბუქად მოუშვათ ჭანჭიკები. შემდეგი ნაბიჯი ავტომობილის აწევაა. დომკრატი განათავსეთ სწორად, საყრდენად გამოიყენეთ ავტომობილის ძარა.

აწიეთ ავტომობილი დომკრატით ისე, რომ საბურავი ასფალტს აღარ ეხებოდეს. მოუშვით ჭანჭიკები ბოლომდე და მოხსენით დაზიანებული საბურავი.

ამის შემდეგ, დააყენეთ სათადარიგო საბურავი და გადაუჭირეთ ჭანჭიკები ნებისმიერი თანმიმდევრობით, შემდეგ დაუშვით ავტომობილი და კიდევ ერთხელ კარგად გადაუჭირეთ ჭანჭიკები, ახლა უკვე ჯვარედინად.

თეგეტა მოტორსი გირჩევთ: პერიოდულად შეამოწმეთ საბურავების წნევა, რომ მაქსიმალურად შეამციროთ მსგავსი შემთხვევების რისკი.

თეგეტა მოტორსში თქვენი ავტომობილის საბურავებს პროფესიონალები შეამოწმებენ და საჭიროების შემთხვევაში ახლის შერჩევაშიც დაგეხმარებიან. ასევე, უპრეცედენტო შეთავაზებითაც შეგიძლიათ ისარგებლოთ — Bridgestone-ის, Michelin-ის, Pirelli-ს, Continetal ის და Riken-ის საბურავებზე უსასრულო გარანტია ვრცელდება.

თქვენი კომფორტისთვის "თეგეტა" გთავაზობთ Online რეზერვაციას — დაჯავშნეთ სერვისი თეგეტაში ონლაინ და მიიღეთ მომსახურება რიგში დგომის გარეშე. რეზერვაციის პროცედურა ძალიან მარტივია, რამდენიმე წუთში თქვენ შეძლებთ ჩაეწეროთ თქვენთვის მისაღებ დროს სასურველ ფილიალში და მიიღოთ მომსახურება. აღნიშნული სერვისით სარგებლობა შესაძლებელია როგორც ონლაინ reservation.tegetamotors.ge , ასევე "თეგეტას" ცხელი ხაზის მეშვეობით (032) 226 44 44

თვალი ადევნეთ #თეგეტასსახელმძღვანელოს და იზრუნეთ თქვენს მანქანაზე თეგეტასთან ერთად, შეხვდით ნებისმიერ თავგადასავალს მომზადებული.