25 ივლისის დილის მონაცემებით, ქავთარაძის საველე ჰოსპიტალში ამ დროისთვის 59 ადამიანი მკურნალობს. ყველა მათგანი ჟანგბადდამოკიდებულია. ერთ პაციენტს, მდგომარეობის გართულების გამო, კლინიკაში გადაყვანა დასჭირდა. ის მცხეთის ჯეოჰოსპიტალსშია გადაყვანილი. ამის შესახებ განცხადება მედიასთან საველე ჰოსპიტალის ხელმძღვანელმა, მერაბ ჩიქოვანმა, გააკეთა.

მისი თქმით, ქავთარაძის საველე ჰოსპიტალში ამ დროისთვის 200-მდე ადგილია, თუმცა, საწოლები ეტაპობრივად ემატება. პაციენტები ლაბორატორიული კვლევით უზრუნველყოფილნი არიან, თუმცა, გართულების შემთხვევაში, როდესაც რეანიმაციის საჭიროება დგება, პაციენტებს სათანადო კლინიკებში გადაიყვანენ.

ამ დროისთვის თბილისში 3 საველე ჰოსპიტალია გახსნილი, საიდანაც პაციენტებს ჯერჯერობით ორში — დიღმის და ქავთარაძის საველე ჰოსპიტლებში ღებულობენ.