47 წლის კოვიდინფიცირებულმა ქალმა კლინიკა ბომონდში ტყუპების გააჩინა. როგორც კლინიკაში აცხადებენ, დედისა და ბავშვების ჯანმრთელობის მდგომარეობა სტაბილურია.

"ქალბატონი შვილს 10 წლის განმავლობაში ელოდა. ტყუპი ქალ-ვაჟი ქვეყანას ფერიცვალების დღესასწაულზე, საკეისრო კვეთის გზით მოევლინა", — ვკითხულობთ კლინიკა ბომონდის განცხადებაში.

კლინიკის ინფორმაციით, გასული 24 საათის განმავლობაში კლინიკაში 10 ახალშობილი დაიბადა. აქედან 7 ფიზიოლოგიურ, ხოლო 3 კოვიდსამეანო განყოფილებაში გაჩნდა.