ფინანსთა მინისტრის, ლაშა ხუციშვილის ინფორმაციით, მთავარი არხის გაყიდვების სახლში შემოსავლების სამსახურის შემოწმება დასრულდა. მინისტრი ამბობს, რომ პროცესმა გადამხდელისთვის ყოველგავრი დისკომფორტის გარეშე ჩაიარა და ამ საკითხით "სპეკულირება და პოლიტიკური ქულების დაწერა" არც პირველი და არც ბოლო შემთხვევა არ არის.

"გამოვლენილი რისკების შესაბამისად, მოთხოვნილი იქნა კონკრეტული ინფორმაცია, რომელიც სრულად წარმოდგენილი იყო გადამხდელის მიერ, რამაც გააქარწყლა ის კონკრეტული რისკის კრიტერიუმი და შესაბამისად, ამით დასრულდა შემოწმება", — წერს ხუციშვილი.

საგადასახადო სამსახური მიერ მთავარი არხის გაყიდვების სახლში შესვლის შესახებ ინფორმაცია ტელეკომპანია მთავარი არხის გენერალურმა დირექტორმა, ნიკა გვარამიამ 27 ივლისს გაავრცელა და ის მედიაზე ზეწოლის მორიგ ფაქტად შეაფასა. ლაშა ხუციშვილი მაშინაც ამბბოდა, რომ "ამ თემით სპეკულირება, პოლიტიკური ქულების დაწერა და საგადასახადო ადმინისტრირების პოლიტიკურ ჭრილში გადატანა, არ არის კარგი".