პრეზიდენტმა შოთა ქარსელაძე, რომელმაც 14 წლის გოგო სიკვდილს გადაარჩინა, თავად კი დაიღუპა, განსაკუთრებული მოქალაქეობრივი პასუხისმგებლობისა და პიროვნული მამაცობისათვის სამოქალაქო თავდადების მედლით დააჯილდოვა. მედალი 2021 წლის 3 ივლისს თბილისში, მდინარე მტკვარში, ადამიანის გადარჩენისას გამოვლენილი სამაგალითო სამოქალაქო თავდადებისათვის გადაეცა.

პრეზიდენტმა სახელმწიფო ჯილდო შოთა ქარსელაძის დედას — მარინა გარსევანიშვილს, გადასცა.

დაჯილდოება ორბელიანების სასახლეში მხოლოდ შოთა ქარსელაძის დის და მეგობრის მონაწილეობით გაიმართა.