თიბისი ბიზნესის მხარდაჭერის მიზნით, მცირე და საშუალო ბიზნეს კომპანიებს ინოვაციურ მოდელს, საბანკო მომსახურებების გამოწერის სერვისს სთავაზობს, რომელიც მოიცავს საბანკო და საოპერაციო პროდუქტების ერთობლიობას, განსაკუთრებულ შეთავაზებებს და ბენეფიტებს. საბანკო პროდუქტების ნაკრების გამოწერით კი, მომხმარებელი თიბისის ბიზნეს კლუბის წევრი ხდება.

გამოწერის სერვისი ბიზნეს საბანკო მომსახურების ახალი, ინოვაციური მოდელია, რომელიც სამი განსხვავებული ნაკრებისგან შედგება. მომხმარებელს აქვს შესაძლებლობა აირჩიოს მისთვის სასურველი ნაკრები, გადაიხადოს ყოველთვიური ან ყოველწლიური ფიქსირებული ტარიფი და მიიღოს ნაკრებში შემავალი ყველა პროდუქტი და სერვისი ერთობლივად, დამატებითი დანახაჯების გარეშე.

რომელიმე ნაკრების შეძენის შემთხვევაში მომხმარებელი თიბისის ბიზნეს კლუბის წევრი ხდება, რომელიც მიზნად ისახავს კლიენტების ფინანსურ და არაფინანსურ მხარდაჭერას, კლუბის წევრებს შორის გამოცდილების გაზიარებას, ნეთვორქინგსა და სოციალიზაციას.

ნაკრების გამოწერით მომხმარებელს შესაძელობა აქვს მიიღოს შემდეგი საბანკო პროდუქტები:

  • ბიზნეს ანგარიშის გახსნა;
  • ბიზნეს ბარათი;
  • ინტერნეტ ბანკი და ბიზნეს აპი;
  • დიჯიპასი;
  • კომუნალური გადახდები საკომისიოს გარეშე;
  • გადარიცხვის და განაღდების განსაზღვრული ლიმიტები (განსხვავდება ნაკრების მიხედვით);
  • 50 ლარიანი პაკეტის შემთხვევაში დამატებით მიიღებთ მულტისავალუტო ბიზნეს ბარათს;
  • რაც მთავარია ნებისმიერი ნაკრების გამოწერის შემთხვევაში, ბიზნესის წარმომადგენლებს აღარ მოუწევთ საბანკო პროდუქტების ცალ-ცალკე შეძენა ან დამატებით საკომისიოს გადახდა, ისინი როგორც ბიზნეს კლუბის წევრები გადაიხდიან მხოლოდ ნაკრების გამოწერის ფიქსირებულ ტარიფს.

არასაბანკო ბენეფიტები:

  • განსაკუთებული შეთავაზებები, რაც მოიცავს პარტნიორი კომპანიების ექსკლუზიურ შეთავაზებებს, ფასდაკლებებს სხვადასხვა სერვისებზე და მომსახურებებზე
  • ინდივიდუალური კონსულტაციები ბიზნეს მენტორებთან, ბიზნესის საჭიროების; მიხედვით.
  • სასწავლო კურსებზე დასწრება;
  • Q&A სესიები.

TBC მოუწოდებს მომხმარებლებს, გახდნენ ბიზნეს კლუბის წევრი, გამოიწერონ ნაკრები და ისარგებლონ განსაკუთრებული შესაძლებლობებით მათი ბიზნესისათვის. დეტალური ინფორმაციისათვის ეწვიე ვებგვერდს: tbcbusiness.ge.