ამა თუ იმ როლზე შესაფერი მსახიობი შერჩევა ძალიან საპასუხისმგებლო საქმეა, თუმცა ხანდახან ყველაფერს ნათესაური კავშირი ყველაზე მარტივად აგვარებს.

ოღონდ არა ნეპოტიზმის გაგებით, არამედ იმ შემთხვევებს ვგულისხმობთ, როცა რომელიმე პერსონაჟის წარსული კადრები უნდა აჩვენონ და რთულია, კონკრეტული როლის შემსრულებელ მსახიობს უცებ მოაკლო წლები — აი, სწორედ ასეთ დროს მათ ახალგაზრდა ვერსიებს ხშირად მათივე შვილები ასრულებენ.

აი, რამდენიმე ასეთი თვალსაჩინო მაგალითიც:

1. ფილმში Resident Evil: The Final Chapter (ბოროტების სავანე: ბოლო თავი) მილა იოვოვიჩის პერსონაჟის ბავშვობის როლი მსახიობის რეალურმა შვილმა, ევერ ანდერსონმა შეასრულა

ფოტო: Sony Pictures Releasing

2. დუეინ ჯონსონმა 1999 წელს სიტკომის That ‘70s Show (70-იანების შოუ) ერთ ეპიზოდში მამამისის, ცნობილი მოჭიდავე როკი ჯონსონის ახალგაზრდობა განასახიერა

ფოტო: Fox / vintag

3. საკულტო პერსონაჟ ტონი სოპრანოს ახალგაზრდობის შესახებ დამოუკიდებელი ფილმი The Many Saints of Newark (ნიუიარკის წმინდანები) გადაიღეს, რომელშიც ამ როლის ცნობილი შემსრულებლის, ჯეიმს განდოლფინის შვილი, მაიკლი თამაშობს

ფოტო: Warner Bros. Pictures

4. ფილმში Kiss Kiss Bang Bang რობერტ დაუნ უმცროსის პერსონაჟის 9 წლის ვერსია ამ ცნობილი მსახიობის შვილმა, ინდიომ განასახიერა

ფოტო: Warner Bros. Pictures

5. ჯოან რივერსის როლს ფილმში Joy (ჯოი) მისი შვილი, მელისა რივერსი ასრულებს

ფოტო: 20th Century Fox / PA3 Mike Hvozda

6. სიუზან სარანდონი და მისი შვილი, ევა ამური მარტინო, ერთსა და იმავე როლს ასრულებენ ფილმში That's My Boy (ეს ჩემი ბიჭია)

ფოტო: Sony Pictures

7. ბიოგრაფიულ ფილმში Sophia Loren: Her Own Story (სოფი ლორენი: მისი ისტორია) სოფი ლორენმა თავისი და დედამისის ახალგაზრდობის როლები შეასრულა

ფოტო: Everett Collection

8. გლენ ქლოუზის შვილი, ენი სტარკი ფილმში The Wife (ცოლი) თავისი მშობლის პერსონაჟის, ჯოან კასტელმანის ახალგაზრდობას განასახიერებს

ფოტო: Silver Reel

9. ფორსაჟის მე-9 ფილმში ვინ დიზელის შვილი მამამისის პერსონაჟის ბავშვობის სახედ გვევლინება

ფოტო: originalfilm

10. ფილმში Evening (საღამო) პერსონაჟ ლილა როსის მერილ სტრიპი განასახიერებს, ამ გმირის წარსული ვერსია, ახალგაზრდობის როლი კი სტრიპის შვილმა, მემი გამერმა ითამაშა

ფოტო: Focus Features