აჭარის პოლიციის უფროსის, ავთანდილ გალდავას განცხადებით, ზუგდიდში ბანკში თავდამსხმელს, ბადრი ესებუას მიხედავენ "როცა საჭირო იქნება". ამის შესახებ მან TV პირველის ჟურნალისტს განუცხადა.

"ესებუას მივხედავთ, როცა საჭირო იქნება, მაშინ [...] როგორც კი ვიპოვით", — თქვა მან.

დღეს გალდავამ აგრესია გამოხატა TV პირველის ჟურნალისტის მიმართ. "გაწიე ეს მყრალი მიკროფონი", — უთხრა მან ჟურნალისტს და მის კითხვებს არ უპასუხა.

გალდავა აჭარის პოლიციის ხელმძღვანელად 11 თებერვალს დაინიშნა. ის 21 ოქტომბერს საქართველოს ბანკის ზუგდიდის ფილიალში შეიარაღებული პირის შეჭრის საქმეში ფიგურირებდა. გალდავა მძევლებთან ერთად თავდამსხმელმა წაიყვანა, შეიარაღებულ პირთან მოლაპარალებებს სწორედ ის აწარმოებდა.