მედიის პროტესტის მეშვიდე დღე — ფოტორეპორტაჟი აქციიდან

ძალადობრივ კონტრაქციაზე ნაცემი TV პირველის ოპერატორის, ლექსო ლაშქარავას გარდაცვალებიდან უკვე მეშვიდე დღე გავიდა და მედიის წარმომადგენლებიც უკვე მეშვიდე დღეა ითხოვენ ამ საქმეზე მთავრობის პასუხისმგებლობის დაყენებას. მართალია, მედიის წარმომადგენლების მხრიდან ძალადობრივი კონტრაქციის პროტესტი მეორე დღესვე, ანუ 6 ივლისს დაიწყო და რამდენიმე აქციაც გაიმართა მთავრობის კანცელარიასთან, თუმცა პროტესტმა აქტიური სახე მას შემდეგ მიიღო, რაც ლექსო ლაშქარავა გარდაიცვალა.

7 საპროტესტო დღის განმავლობაში ხელისუფლების წარმომადგენლებმა ისეთი უპრეცენდენტო შემთხვევის ფონზე, როგორიც მედიის მხრიდან ხელისუფლების შეცვლის მოთხოვნაა, არათუ ვითარების განმუხტვა სცადეს, არამედ რამდენიმე მედიას ფაქტობრივად ბოიკოტი გამოუცხადეს და პრემიერმინისტრის ღონისძიებაზე არ მიიწვიეს.

გადავწყვიტეთ გაგაცნოთ ხალხი, რომელიც მედიას სოლიდარობას უცხადებს და ნაცემი ოპერატორის გარდაცვალებასთან დაკავშირებულ პროტესტს უერთდება.