2021 წელს ფესტივალი Art-გენი კოვიდრეგულაციების გათვალისწინებითა და მცირედით განსხვავებული ფორმით გაიმართება. მუსიკალური საღამოები პარასკევს, შაბათსა და კვირას შედგება. ღონისძიება 16 ივლისს თბილისის ეთნოგრაფიულ მუზეუმში სუხიშვილების კონცერტით გაიხსნება. შემდეგი დღეების მუსიკალური პროგრამა კი ასეთია:

  • 17 ივლისი — გაგა ფრანი;
  • 18 ივლისი — ჯგუფი Reggaeon;
  • 23 ივლისი — ბენდი ჩვენებურები და ლელა ნაყეური;
  • 24 ივლისი — ნინო ქათამაძე;
  • 25 ივლისი — 33ა და ნიაზ დიასამიძე.

დასკვნით კონცერტებამდე, დღის განმავლობაში, მოეწყობა ქართული რეწვის გამოფენები, სხვადასხვა რეგიონის ფოლკლორული კონცერტები, ქართული სამზარეულოს კუთხეები. ღონისძიების გენერალური პარტნიორი, ნიკორა მისულ სტუმრებს სპეციალურად მოწყობილ მოსასვენებელ სივრცეებს შესთავაზებს. გარდა ამისა, მოეწყობა სარეალიზაციო კუთხე, სადაც ნიკორას უგემრიელესი პროდუქციის დაგემოვნება იქნება შესაძლებელი.

ნიკორაში ამბობენ, რომ მათთვის ასეთი ეროვნული პროექტის მხარდაჭერა განსაკუთრებით მნიშნელოვანია, რადგან ფოლკლორის და თანამედროვე მუსიკის ერთ სივრცეში წარმოდგენით და სხვადასხვა ტიპის აქტივობებით Art-გენს მნიშვნელოვანი წვლილი მიუძღვის ახალგაზრდებში ფოლკლორის პოპულარიზაციის ხელშეწყობასა და რეგიონებში ფოლკლორული ანსამბლების განვითარების საქმეში. მეორე მხრივ, ფესტივალი არა მხოლოდ ქართული ფოლკლორისა და რეწვის, თანამედროვე საავტორო მუსიკის პოპულარიზაციას უწყობს ხელს, არამედ ქვეყნის რეგიონულ განვითარებაშიც დიდ როლს ასრულებს. ნიკორაში ამბობენ, რომ ქართული, ეროვნული საქმის მხარდამჭერები არიან.

ფესტივალზე ასევე წარმოდგენილი იქნება ქალაქში ყველაზე გემრიელი ჰოთ დოგ რუმი, რომელსაც აქამდე ჰოთ დოგების მოყვარულები ბრავოს სახელწოდებით იცნობდნენ

რაც შეეხება მიმდინარე წლის რეგიონულ ტურნეს, თბილისის ტურის დასრულების შემდეგ, ის 31 ივლისს პანტიანის ტბაზე გაიმართება.

წელს ფესტივალ Art-გენს 18 წელი შეუსრულდა. წლების მანძილზე Art-გენმა არაერთი ახალი ანსამბლის, ჯგუფის და მუსიკოსის ჩამოყალიბებას და განვითარებას შეუწყო ხელი. ცოცხალი და საავტორო მუსიკის პოპულარიზაციის ფარგლებში, მისი დამსახურებით, არაერთი ნიჭიერი მუსიკოსი და ბენდი გაიცნო ფართო აუდიტორიამ. ფესტივალი ბევრი ჯგუფისთვის და მომღერლისთვის ერთგვარ ტრამპლინად იქცა. Art-გენი მაყურებელს წელსაც საინტერესო სიახლეებს სთავაზობს.