პარლამენტის დეპუტატები ერთმანეთს ფიზიკურად დაუპირისპირდნენ. რთულია დაზუსტებით იმის თქმა, ვინ გადავიდა პირველი ფიზიკურ შეურაცხყოფაზე. კადრებიდან ირკვევა, რომ დაპირისპირებაში თითქმის ყველა პარტიის დეპუტატი მონაწილეობს.

დაძაბულობა პარლამენტში მას შემდეგ დაიწყო, რაც TV პირველის დირექტორი, ვატო წერეთელი სასესიო დარბაზში შევიდა და მას დარბაზი დაატოვებინეს, მედიის სხვა წარმომადგენლები კი საკანონმდებლო ორგანოში არ შეუშვეს.

ოპოზიციური პარტიების დეპუტატებმა პარლამენტის ტრიბუნაზე საქართველოსა და ევროკავშირის დროშები გადმოფინეს. ხმაურის გამო ვერ ხერხდება პლენარული სხდომის დაწყება.

ამ ეტაპზე ხმაურია პარლამენტის გარეთაც, სადაც ჟურნალისტები რჩებიან. საკანონდებლო ორგანოში შესვლას ვერ ახერხებს On.ge-ს ჟურნალისტიც. ამ დროისთვის საშვების გაცემა შეჩერებულია.