საქართველოს პრემიერმინისტრი, ირაკლი ღარიბაშვილი რომან გოცირიძის კითხვაზე პასუხად, ამბობს, რომ ოპოზიციონერ დეპუტატს ბადრი ესებუა ენატრება.

"აქ საკითხი ეხებოდა ამ გახმაურებულ დანაშაულს, რომელზეც ძალიან ბევრი პირი მიეცა პასუხისგებაში. დანარჩენი არ ვიცი, ბადრი ესებუა გენატრებათ და ბადრი ესებუაზე განსაკუთრებული ემოციები გაქვთ", — ამბობს პრემიერმინისტრი.

დღეს, 25 ივნისს პარლამენტში პრემიერმინისტრის, ირაკლი ღარიბაშვილის მოსმენა იმართება, სადაც გოცირიძემ განაცხადა, რომ ფინანსთა სამინისტროსა და სხვა ჩინოვნიკების მონაწილეობით საქართველოში 129 მილიონი ლარი მოიპარეს და ესებუას ამხელა თანხის მოსაპარად 86 ბანკი უნდა გაეძარცვა. გოცირიძემ პრემიერმინისტრს ჰკითხა, თუ რომელი მაღალჩინოსანი დაიჭირეს ამ საქმეზე.