წიგნი ყდის მიხედვით არ უნდა განსაჯოო, უთქვამთ და ალბათ, ამას ყველა ვეთანხმებით კიდეც, მაგრამ პრაქტიკაში სხვა ბევრ დეტალთან ერთად სწორედ ყდაა, რომელიც მკითხველს პირველად ხვდება თვალში და გარკვეულ წარმოდგენას უქმნის ნაწარმოებზე.

თვალი სვამს და თვალი ჭამს — ეს გამონათქვამიც გაგვიგია და არ არის გასაკვირი, რომ მკითხველების გარკვეული ნაწილი რომელიმე წიგნით მხოლოდ იმიტომაც შეიძლება დაინტერესდეს, რომ გარეკანის დიზაინმა ძალიან მიიზიდა.

წიგნებზე სასაუბრო ფეისბუქჯგუფში რა წავიკითხო? ლიტერატურის მოყვარულებს ვკითხეთ, ქართულად გამოცემული წიგნებიდან რომელს აქვს ყველაზე მიმზიდველი ყდა, რომელმაც მათი ყურადღება მიიქცია და ამ სტატიაში შედეგებს გაგიზიარებთ.

ცხადია, ეს არ არის ყველა დროის საუკეთესო დიზაინების სია — მხოლოდ სუბიექტური მოსაზრებებით შედგენილი ჩამონათვალია, რომელიც ერთი მხრივ დიზაინის კუთხით ქართული გამომცემლობების განვითარებას ასახავს, ამავდროულად კი გვაჩვენებს, თუ როგორი ყდები მოსწონს ქართველ მკითხველს ძირითადად.

შენიშვნა: ნუმერაცია პირობითია.

1. მარგარეტ ეტვუდის მხევლის წიგნი (გამომცემლობა წიგნები ბათუმში, ყდის დიზაინერი: ია ნინოშვილი)

2. ჰარუკი მურაკამის კაფკა პლაჟზე (სულაკაურის გამომცემლობა)

3. ნორა იკსტენას დედის რძე (გამომცემლობა წიგნები ბათუმში, ყდის დიზაინერი: ნატალია ავალიანი)

4. ბრეტ ისტონ ელისის ამერიკელი ფსიქოპათი (სულაკაურის გამომცემლობა, ყდის დიზაინერი: ტიმოთი პიტიდისი)

5. ფრენკ ჰერბერტის დიუნი (გამომცემლობა წიგნები ბათუმში, ყდის დიზაინერი: ნატალია ავალიანი)

6. ჯ.რ.რ. ტოლკინის ბეჭდების მბრძანებლის ტრილოგია (ქარჩხაძის გამომცემლობა)

7. გოლი თარაყის არჩევანი (გამომცემლობა დიოგენე)

8. რეი ბრედბერის მარსის ქრონიკა (გამომცემლობა წიგნები ბათუმში, ყდის დიზაინერი: ნათია ზარანდია)

9. ალეკო შუღლაძის გადამალვა (გამომცემლობა დიოგენე)

10. თამთა მელაშვილის შაშვი შაშვი მაყვალი (სულაკაურის გამომცემლობა, ყდის დიზაინერი: თათია ნადარეიშვილი)

11. ნატო დავითაშვილის ნისლებში და ნისლებს მიღმა (გამომცემლობა ინტელექტი, ყდის დიზაინერი: თეონა ჭანიშვილი)

12. ზურა ჯიშკარიანის საღეჭი განთიადები (სულაკაურის გამომცემლობა, ყდის დიზაინერი: მაქსიმე მაჩაიძე)

13. ურსულა ლე გუინის ზღვამიწეთის ჯადოქარი (გამომცემლობა წიგნები ბათუმში, დიზაინერი: ნატალია ავალიანი)

14. ჯეფ ვანდერმირის ანიჰილაცია (გამომცემლობა პალიტრა L, ყდის დიზაინერი: ნათია ზარანდია)

15. რუსუდან რუხაძის სიყვარულის წონა (გამომცემლობა ინტელექტი)

16. კენ კიზის გუგულის ბუდეზე სხვა გადაფრინდა (გამომცემლობა დიოგენე)

17. ბრენდონ სანდერსონის ნისლქმნილის სერია (გამომცემლობა წიგნები ბათუმში, ყდის დიზაინერი: გაგა თურმანიშვილი)

18. ჯ.რ.რ. მარტინის ღამეში მფრენნი (გამომცემლობა პალიტრა L, ყდის დიზაინერი: სალომე საბანაძე)

19. უილიამ ბეროუზის შიშველი საუზმე (სულაკაურის გამომცემლობა, ყდის დიზაინერი: გიორგი მაღრაძე)

20. თეონა დოლენჯაშვილის პერსონალური ქრისტე (გამომცემლობა ინტელექტი, ყდის დიზაინერი: თეონა ჭანიშვილი)

რომელია თქვენი ფავორიტი ყდა ან კიდევ რას დაამატებდით ამ სიას?