23 ივნისს რომის პაპთან შეხვედრას სხვებთან ერთად ერთი უჩვეულო ადამიანი, უფრო სწორად, ადამიანი ობობაც ესწრებოდა. ლურჯ და წითელ ფერებში გამოწყობილი პირი, რომელსაც ნიღაბიც არ დავიწყებოდა, VIP განყოფილებაში იჯდა და მოვლენებს მშვიდად აკვირდებოდა.

ფოტო: Reuters

როგორც აღმოჩნდა, კოსტიუმის მიღმა არა პიტერ პარკერი, არამედ 27 წლის იტალიელი მატია ვილარდიტა იმალებოდა. მატია ვილარდიტა სუპერგმირების კოსტიუმებს ხშირად ირგებს და საავადმყოფოში მყოფ ბავშვებს ამხიარულებს. მატიამ VIP განყოფილებაში მოხვედრა სწორედ ამ საქმიანობის გამო დაიმსახურა.

ფოტო: Reuters

ფოტოებში კარგად ჩანს, როგორ ართმევს ხელს რომის პაპი ადამიან ობობას. შეხვედრის ბოლოს მატია ვილარდიტა რომის პაპს გაეცნო და საჩუქრად ადამიანი ობობას ნიღაბიც კი გადასცა.

ფოტო: Reuters

აღსანიშნავია, რომ გასულ წელს ვილარდიტამ საავადმყოფოებში ხშირი სტუმრობისა და ბავშვების გამხნევების გამო იტალიის პრეზიდენტისგან ჯილდოც კი მიიღო.