არსებობენ ადამიანები, რომლებიც ხალხს დედამიწაზე ძალიან აღიზიანებს, როგორ ჩანს, ამ სიაში მოწინავე ადგილი ჯეფ ბეზოსის უკავია.

ცოტახნის წინ ამაზონის დამფუძნებელმა განაცხადა, რომ კოსმოსში მოგზაურობას გეგმავდა. რის შემდეგაც, საიტზე Change.org სპეციალური პეტიცია შეიქმნა, რომელიც ითხოვს, ბიზნესმენს აუკრძალონ დედამიწაზე დაბრუნება.

ფოტო: Blue Origin

პეტიცია ძალიან მალე საიტზე ყველაზე პოპულარული გახდა. მას ახლა უკვე 100 000 ხელმოწერა აქვს და ეს რაოდენობა ყოველ წამს იცვლება.

პეტიციის შემქმნელს სურვილი აქვს, რომ 150 000 ხელმოწერა მოაგროვოს. თუკი ასეთი ტემპით გააგრძელეს, ამ მიზნის შესრულება, არც ისე რთული იქნება.

მიუხედავად იმისა, რომ მსგავს პეტიციებს ხშირ შემთხვევაში ძალა არ აქვს, ადამიანები დიდი ენთუზიაზმით ჩაერთნენ მასში. ჯერ კიდევ უცნობია, მიაღწია თუ არა ამ ამბავმა ბიზნესმენის ყურამდე, მას ამ საკითხთან დაკავშირებით არანაირი განცხადება არ გაუკეთებია.