ქართული ოცნების დეპუტატის, ალუდა ღუდუშაურის თქმით, ექსპრემიერ გიორგი გახარიას მოქმედებები და განცხადებები "პრაქტიკულად სრულ თანხვედრაშია" ნაციონალურ მოძრაობასთან.

"დღემდე რა მოქმედებებსაც ვხედავთ და რა განცხადებებიც გვესმის მისი [გიორგი გახარიას] მხრიდან, შეიძლება ითქვას, რომ პრაქტიკულად სრულ თანხვედრაში არის ნაციონალურ მოძრაობასთან. გამოდის, რომ მისი მიზანი ყოფილა როგორმე არჩევნებში ქართული ოცნება და მისი მხარდაჭერა დააახლოოს 43%-თან. რა თქმა უნდა, ყველა ასეთი მცდელობა კრახით დასრულდება. სხვა შემთხვევაში, მის განცხადებებში უფრო მეტი კითხვის ნიშანი არ გაჩნდებოდა, ვიდრე პასუხებს მივიღებდით [...]

ძალიან ცუდი დასანახია, როდესაც შენი გუნდის ყოფილი წევრი, გუშინ შენი გუნდის წვერი დღეს გამოდის და საუბრობს ყველაფერზე, მაგრამ, არაფერზე. ეს არის ჭორაობა და პირდაპირ, ნაციონალური მოძრაობის წისქვილზე წყლის დასხმა. ეს არ არის ტრაგედია. ტრაგედია უბრალოდ ის არის, რომ როდესაც გამოდიხარ და თითქოს ამხელ გუნდს, სინამდვილეში ამხელ საკუთარ თავს", — განაცხადა ალუდა ღუდუშაურმა.

ყოფილმა პრემიერმინისტრმა, გიორგი გახარიამ 29 მაისს ახალი პარტიის, საქართველოსთვის პრეზენტაცია გამართა. მისი თქმით, თანამდებობიდან იმიტომ გადადგა, რომ ქართული ოცნება დაშორდა მოქალაქეების რეალურ პრობლემებს.

გაიგე მეტი: