ქართული ოცნების დეპუტატის, მამუკა მდინარაძის განხადებით, აბსოლუტურად გულწრფელად მიაჩნია, რომ ყოფილი პრემიერმინისტრი გიორგი გახარია ნაციონალური მოძრაობის ინტერესისთვის გადადგა.

"აბსოლუტურად გულწრფელად მიმაჩნია, რომ ეს ადამიანი ნაცების ინტერესისთვის გადადგა. დავანებოთ შეფასებებს თავი, ნაც. მოძრაობის ფორმალური, მაგრამ თავმჯდომარისთვის გადადგა. ფაქტი ის იყო, რომ ყველაზე კრიტიკულ მომენტში თავის გუნდს გუნდს ზურგში დანა ჩაარტყა. მიუხედავად ამისა, სადაც ის ჩვენთან ერთად იყო წარმატებული, ეს უნდა ვთქვათ. ეს არ უნდა უარვყოთ, იმიტომ რომ არ დაგვიჯერებს შემდეგ არავინ. ახლა რომ ვთქვათ, რომ არაფერი არ მოგვწონდა ამ კაცის, მაშინ რატომ გვყავდა პრემიერმინისტრად", — ამბობს მდინარაძე მთავარ არხთან ინტერვიუში.

პარტია საქართველოსთვის თავმჯდომარე, გიორგი გახარია გიორგი გახარია პრემიერმინისტრობის თანამდებობიდან 18 მარტს გადადგა. ამის შესახებ მან სპეციალურ ბრიფინგზე განაცხადა და ეს გადაწყვეტილება ნიკა მელიას საქმეს დაუკავშირა. მან ახსენა ისიც, რომ გუნდში ამაზე აზრთა სხვადასხვაობა იყო.

22 მარტს გახარია საზოგადოებასთან თანამდებობის დატოვების შემდეგ პირველად გამოჩნდა და თქვა, რომ "არსად წასვლას არ აპირებს, მეტიც, არც პოლიტიკიდან" მიდის. 14 აპრილს კი გახარიას გუნდის ახალმა წევრმა, გიორგი ხოჯევანიშილმა განაცხადა, რომ ისინი მომდევნო არჩევნებისთვის მზადებას დაიწყებენ და შესაბამისად, მონაწილეობასაც მიიღებენ.

29 მაისს გახარიამ პარტიისა და გუნდის პრეზენტაცია გამართა.

გაიგე მეტი: