ქართული ოცნების დეპუტატმა, ირმა ზავრადაშვილმა პარლამენტში სიტყვით გამოსვლისას ირონიული და სტიგმის გამაძლიერებელი განცხადება გააკეთა. მან თქვა, რომ საკანონმდებლო ორგანოში "აშკარად სჭირდებათ ფსიქოლოგიც და ფსიქიატრიც".

"ადმინისტრაციასთან მექნება თხოვნა, სიტუაცია ისე მიდის, რომ შტატის დამატებაზე იქნება ინიციატივა გასაკეთებელი, იმიტომ, რომ აშკარად გვჭირდება ფსიქოლოგიც და ფსიქიატრიც პარლამენტში", — განაცხადა მან.

დღეს საქართველოს პარლამენტში მოქალაქეთა პოლიტიკური გაერთიანებების შესახებ კანონპროექტს მეორე მოსმენით განიხილავენ. ის პარტიებისთვის დაფინანსების შეწყვეტას ითვალისწინებს. გარდა ამისა, საუბარია, რომ თუ მომდევნო 6 თვის განმავლობაში მანდატმოპოვებული პარტიების წარმონადგენელთა ნახევარი მაინც არასაპატიო მიზეზით პლენარულ სხდომათა ნახევარს არ დაესწრება, მათ დაფინანსება დროებით შეუჩერდებათ.