ერთიანი ნაციონალური მოძრაობის წევრ რომან გოცირიძეს მიაჩნია, რომ შექმნილ ვითარებაში პარტიამ პარლამენტში შესვლის გადაწყვეტილება უნდა მიიღოს.

"პარტია მაშინ არის ძლიერი, როდესაც ის არის მოქნილი და როდესაც შექმნილი ვითარებიდან გამომდინარე მას შეუძლია მიიღოს ადეკვატური და კარგი გადაწყვეტილება. პარტია უნდა იყოს, როგორ პარლამენტის შიგნით, ასევე, გარეთ და საერთაშორისო სარბიელზე. ყველა ეს კომპონენტი ავსებს ერთმანეთს, რომელიც შემდგომ უნდა იყოს ოპოზიციის გამარჯვების საწინდარი. დღეს ამ შექმნილ ვითარებაში ნაციონალური მოძრაობა უნდა იყოს პარლამენტში. ეს, პირველ რიგში, კარგი არის ქვეყნისათვის", — განაცხადა მან ენმ-ს ოფისში პოლიტსაბჭოს დაწყებამდე.

ნაციონალურმა მოძრაობა საკანონმდებლო ორგანოში შესვლა-არშევლის გადაწყვეტილება დღეს უნდა მიიღოს. პარტიის პოლიტსაბჭო ამ წუთებში სწორედ ამ საკითხზე მსჯელობს.

პარტიის მიერ პარლამენტში არშესვლის მიზეზი 2020 წლის 31 ოქტომბრის არჩევნების ბოიკოტია.