ოკუპირებული აფხაზეთის დე ფაქტო პრეზიდენტი, ასლან ბჟანია სირიაში ჩავიდა. მისი პრესსამსახურის ცნობით, ბჟანიას თან დე ფაქტო რესპუბლიკის დელეგაცია ახლავს, რომლებიც შეხვედრებს დღეიდან გამართავენ.

პრესსამსახურის ინფორმციით, ასლან ბჟანია სირიის პრეზიდენტ ბაშარ ალ-ასადს შეხვდება და "აფხაზეთ-სირიის მთავრობათაშორისი კომისიის პირველი სხდომაც შედგება.

რუსეთის მოკავშირე სირიამ საქართველოს ოკუპირებული რეგიონების დამოუკიდებლობა 2018 წელს აღიარა, რომლის შემდეგ თბილისმა დამასკოსთან დიპლომატიური ურთიერთობები გაწყვიტა.