განსხვავებული სახეობის ჩაის მოყვარულებს ერთი მთავარი რამ აერთიანებთ — სურვილი იმისა, რომ საყვარელი გემოებით ტკბობა მაშინ შეეძლოთ, როცა მოესურვებათ. სამსახურში, საცობში, ლექციაზე, სეირნობისას — ყოველთვის გვინდა, საუცხოო გემო იქვე, ახლოს გვქონდეს. ამ მიზნის მიღწევა ჩაიმანიას ახალი ბრენდირებული თერმოსებით უკვე მარტივია.

ჩაიმანია მთელი მსოფლიოდან 100-ზე მეტი სახეობის უმაღლესი ხარისხის ჩაის აერთიანებს, რომელთა შეუდარებელი გემოც ჩაის უამრავი მოყვარულისთვის დღის განუყოფელი ნაწილია. სწორედ ამიტომ ჩაიმანია ლოიალურ მომხმარებლებს ახალ ბრენდირებულ თერმოსს სთავაზობს, რომელიც ახალი გემოების აღმოჩენას კიდევ უფრო სახალისოს გახდის.

გარდა მოხერხებულობისა, ჩაიმანიას თერმოსის მფლობელს საინტერესო შეთავაზებებით სარგებლობის შესაძლებლობაც აქვს. თერმოსის მფლობელი წლის ბოლომდე მიიღებს 10%-იან ფასდაკლებას ჩაიმანიას ჩაის სრულ ასორტიმეტზე. აღნიშნული შეთავაზების წყალობით, ახალი გემოების აღმოჩენა კიდევ უფრო მაცდური შესაძლებლობაა. გარდა ამისა, ჩაიმანიას ქსელის ორ ფილიალში — თბილისი მოლსა და GTC-ში — მაღაზიის თანამშრომლები თერმოსის მფლობელებს ჩაით უფასოდ გაუმასპინძლდებიან და თერმოსსაც შეუდარებელი სასმლით შეუვსებენ.

ჩაიმანიას ახალი ბრენდირებული თერმოსების შეძენა ნებისმიერ ფილიალშია შესაძლებელი. აღნიშნული შეთავაზება ჩაიმანიას მთავარ მისიას — ქართული ჩაის პოპულარიზაციასა და საქართველოში ჩაის სმის კულტურის დამკვიდრებას ემსახურება, პარალელურად კი მომხმარებლებს მუდმივად ახალი გემოების აღმოჩენაშიც ეხმარება.

ჩაიმანია ჩაის მოყვარულებს განსაკუთრებული გემოებით 2006 წლიდან ანებივრებს. აქ 100-ზე მეტი სახეობის ჩაის გამჭვირვალე ქილებში აღმოაჩენთ, რომლებიდანაც სასურველი პროდუქციის შეძენა მინიმუმ ერთი უნციის (28,35 გ) ოდენობით შეგიძლიათ. გარდა უცხოურისა, ჩაის მოყვარულებს ჩაიმანიაში გამორჩეული ქართული პროდუქციის შეძენაც შეუძლიათ.