შინაგან საქმეთა სამინისტროს ცნობით, ასპინძის მუნიციპალიტეტის სოფელ ბუზმარეთის მიმდებარე ტერიტორიაზე 60 წლის კაცმა, რომელიც არსებულ ფერმაში მწყემსად მუშაობს, ურთიერთშელაპარაკებისას, ამავე ფერმაში მომუშავე 38 წლის მწყემსი სასიკვდილოდ დაჭრა. დაჭრილი მამაკაცი შემთხვევის ადგილზე გარდაიცვალა.

უწყების ცნობით, ეჭვმიტანილი განზრახ მკვლელობის ბრალდებით ასპინძის მუნიციპალიტეტში დააკავეს.

"გამოძიებით დადგინდა, რომ ბრალდებულმა, რომელიც ასპინძის მუნიციპალიტეტის სოფელ ბუზმარეთის მიმდებარე ტერიტორიაზე არსებულ ფერმაში მწყემსად მუშაობს, ურთიერთშელაპარაკებისას, ამავე ფერმაში მომუშავე მწყემსს — 1983 წელს დაბადებულ ს.ს.-ს ცივი იარაღის გამოყენებით გულ-მკერდის არეში ჭრილობები მიაყენა. პოლიციამ დანაშაულის ჩადენის იარაღი — დანა ნივთმტკიცების სახით ამოიღო. დაკავებული დანაშაულს აღიარებს.

შსს-ს ინფორმაციით, განზრახ მკვლელობის საქმეზე გამოძიება საქართველოს სსკ-ის 108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.