ოკუპირებული ცხინვალის დე ფაქტო ლიდერი, ანატოლი ბიბილოვი რუსეთის მიერ ოკუპირებული დონბასში 11-12 მაისს ჩადის.

როგორც პრესსამსახური ინფორმაციას ავრცელებს, ვიზიტი არაღიარებული დონეცკისა და ლუგანსკის რესპუბლიკების დღეს უკავშირდება.

დონეცკისა და ლუგანსკის თვითგამოცხადებული რესპუბლიკები უკრაინის სამხრეთ-აღმოსავლეთ ნაწილში მდებარეობს. მათ ე.წ. დამოუკიდებლობა 2014 წელს გამოაცხადეს და რეფერენდუმი ჩაატარეს. რეფერენდუმის ლეგიტიმურობას არ აღიარებს არც უკრაინა და არც საერთაშორისო საზოგადოება. ამავე წელს ორივე რეგიონის დამოუკიდებლობა აღიარა ოსეთის საოკუპაციო რეჟიმმაც.