ჯანდაცვის მინისტრის, ეკატერინე ტიკარაძის განცხადებით, არსებობს ზუსტი ინფორმაცია იმის შესახებ, რომ საქართველო ფაიზერის მილიონამდე დოზას მიიღებს.

"ვაქცინებთან მიმართებაში ჩვენ გვაქვს ზუსტი ინფორმაცია იმასთან დაკავშირებით, რომ მილიონამდე ფაიზერის დოზას მივიღებთ, თუმცა ვაზუსტებთ, როდის იქნება მოწოდების ვადა ფაიზერის დოზაზე. ასევე, ჩვენ გვაქვს ზუსტი ინფორმაცია, რომ მივიღებთ 43 000 ასტრაზენეკას 30 აპრილისთვის, დამატებითი 43 000 დოზა ასტრაზენეკასი იქნება მოწოდებული მაისის თვეში. სინოფარმთან, ასევე, წარმატებით მიმდინარეობს მოლაპარაკება და დამატებით 250 000 დოზა სინოფარმის მხრიდანაც ივნისის თვეში არის დაპირებული", — განაცხადა ტიკარაძემ.

ჯანდაცვის მინისტრის, ეკატერინე ტიკარაძის განცხადებით, 18 წელს ზემოთ მოსახლეობისთვის სინოფარმით ვაქცინაციაზე რეგისტრაცია დღეიდან, 27 აპრილიდან იწყება.