ციანიდის საქმეზე, გიორგი მამალაძის ახალი ადვიკატი მიხეილ რამიშვილი რუსთავი 2-ზე გადაცემა არჩევანში ინტერვიუსას ამბობს, რომ დეკანოზის საბრალდებო დასკვნაში, მკვლელობის მომზადების მოტივაციად მითითებულია - "ანგარება":

"ბრალდებაში წერია შორენა თეთრუაშვილის სახელი და მოტივაცია - ანგარება. ის თუ რა იგულისხმება ამ ანგარების საფუძვლად, ამაზე ვერაფერს გეტყვით. მამა გიორგი უარყოფს თავიდან ბოლომდე წაყენებულ ბრალდებას".

მთავარი პროკურატურის ცნობით, 2017 წლის 10 თებერვალს, მკვლელობის მომზადების ბრალდებით დეკანოზი გიორგი მამალაძე დააკავეს. უწყების განცხადებით, უცნობმა პირმა მიმართა პროკურატურას და მიუთითა, რომ მამალაძეს უნდა მოეხდინა მაღალი იერარქიის სასულიერო პირის სიცოცხლის ხელყოფა. მოგვიანებით ცნობილი გახდა, რომ ოფიციალურ ბრალდებაში სასულიერო პირზე საუბარი არ არის, რაც პროკურატურის განმარტებნით, გამოძიებით დადგინდა და რომ პატრიარქის გარემოცვის წევრის მკვლელობა მზადდებოდა.