თუ ნაციონალური მოძრაობის თავმჯდომარე, ნიკა მელია გირაოს არ გადაიხდის, ციხეს ამნისტიის შესახებ კანონით დატოვებს. ამის შესახებევროპული საბჭოს პრეზიდენტთან, შარლ მიშელთან სამუშაო ვახშმის შემდეგ განაცხადა. აქამდე ქართული ოცნების წარმომადგენლები აცხადებდნენ, რომ ამნისტიის კანონს გირაოს გადახდის შემდეგ დააინიცირებდნენ.

"მას თუ ეჩქარება გამოსვლა გირაო გადაიხდება ევროკავშირის მიერ და ეს გზა არსებობს. ის თუ ფიქრობს, რომ მისი ღირსება უფრო მაღლაა, ვიდრე საქართველო, კი ბატონო. ცოტა ხანი იქნება, ამნისტრიის კანონი მიღებულ იქნება და ეპატიება სავარაუდო დანაშაული", — აღნიშნა პაპუაშვილმა.

პრეზიდენტის სასახლეში მყოფმა პოლიტიკოსებმა განაცხადეს, რომ 27 აპრილს ოპოზიცია პარლამენტში შევა და ამნისტიის შესახებ კანონს დაარეგისტრირებს. ამასთან, იმავე დღეს პრეზიდენტი გიორგი რურუას შეიწყალებს.

ევროპული საბჭოს პრეზიდენტის, შარლ მიშელის ახალ დოკუმენტს 19 აპრილს შვიდმა პოლიტიკურმა პარტიამ და რამდენიმე დამოუკიდებელმა დეპუტატმა მოაწერა ხელი. ხელმოწერის ცერემონია პრეზიდენტის სასახლეში გაიმართა. ხელმოწერის ცერემონიას ონლაინ დაესწრო შარლ მიშელიც.

ნაციონალურმა მოძრაობამ შეთანხმებას ხელი არ მოაწერა. ამის მიზეზად კი დოკუმენტში არსებული ხარვეზები დაასახელა. ამასთან პარტიის ლიდერი, ნიკა მელია ამბობს, რომ არ აპირებს გირაოს გადახდას და ამ პირობით საპატიმროს დატოვებას.

ამ დროისთვის, მიშელის მიერ შემოთავაზებულ წინადადებას სრულად არ იზიარებენ ნაციონალური მოძრაობა და ევროპული საქართველო. დოკუმენტს ხელს აწერენ: ქართული ოცნება, ლელო, სტრატეგია აღმაშენებელი, ორივე გირჩი, მოქალაქეები, რესპუბლიკური პარტია. ასევე, წინადადებას ინდივიდუალურად მოაწერეს ხელი ნაციონალური მოძრაობის ერთ-ერთმა ლიდერმა, სალომე სამადაშვილმა, ამავე პარტიის ყოფილმა თავმჯდომარემ, გრიგოლ ვაშაძემ, ევროპული საქართველოს ყოფილმა თავმჯდომარემ, დავით ბაქრაძემ, ამავე პარტიის წევრმა, არმაზ ახვლედიანმა და მაჟორიტარობის კანდიდატმა, შალვა შავგულიძემ. გარდა ამისა, დოკუმენტს აქვს გახარიას გუნდის, ასევე, პარლამენტში პატრიოტთა ალიანსის სიით შესული დეპუტატების, აწ უკვე ევროპელი სოციალისტების ხელმოწერა.

დოკუმენტი ხუთპუნქტიანია და მოიცავს დაკავებული პოლიტიკოსების გათავისუფლებასაც. კერძოდ, საუბარია იმაზე, რომ ხელმოწერიდან 1 კვირის განმავლობაში ორ შემთხვევაში, იგულისხმება ნიკა მელიასა და გიორგი რურუას საქმეები, იქნება ამნისტია ან სხვა ნაბიჯი, რომელსაც ანალოგიური შედეგი ექნება. საუბარია ამნისტიის კანონზეც, რომელიც 2019 წლის 20 ივნისის აქციებს ეხება. პარტიები ცვლილებების მხარდასაჭერად პარლამენტში უნდა შევიდნენ.

გარდა ამისა, დოკუმენტში საუბარია საარჩევნო რეფორმაზე, სადაც ვადამდელ არჩევნებთან დაკავშირებით ქართული ოცნების წინადადება გაზიარებულია, თუმცა ნაცვლად 40%-სა, შემოთავაზებულია 43%. კერძოდ, ვადამდელი არჩევნები ჩატარდება 2022 წელს, თუ 2021 წლის თვითმმართველობის არჩევნებში მმართველი პარტია 43%-ზე ნაკლებ პროპორციულ ხმას აიღებს.

დოკუმენტი მოიცავს სასამართლო რეფორმას, პარლამენტში ძალაუფლების გადანაწილებასა და მომავალ არჩევნებსაც.

ამავე თემაზე: