კასპის რაიონის სოფელ მეტეხის შუალედურ არჩევნებში ნაციონალური მოძრაობის კანდიდატი ციცო აბუაშვილი არჩევნებზე უკვე გამოცხადდა.

"მოვედი დავაფიქსირე ჩემი ხმა, ნორმალურად მიდის ყველაფერი, წესრიგია. შემართებით ვარ, მინდა ვიმუშავო, გავაგრძელო, ისე როგორც ჩემს გვარსა და სახელს შეეფერება" - უთხრა მან რუსთავი 2-ის ჟურნალისტს.

10 საათის მონაცემებით, კასპის რაიონის 3 უბანზე ამომრჩევლის რაოდენობის 5-6 პროცენტი დაფიქსირდა.

არასამთავრობო ორგანიზაცია "მომავლის" წარმომადგენლი დარღვევაზე საუბრობს. ბესიკ დინაძის თქმით, კასპში საკრებულოს შუალედური არჩევნებზე სოფელ მეტეხის ერთ-ერთ უბანზე ლიახვის გამგებელი აგიტაციას ეწეოდა.

დღეს საკრებულოს შუალედური არჩევნები გლდანის გარდაბნის, კასპის, წყალტუბოს, ოზურგეთის, ხობის და ზუგდიდის ადგილობრივი მაჟორიტარული ოლქების 45 საარჩევნო უბანზე ტარდება.