YouTube ზოგ მომხმარებელთან Dislike-ების რაოდენობას დამალავს

მომდევნო რამდენიმე კვირის განმავლობაში YouTube ახალ ვიზუალურ განახლებას გატესტავს, რომელშიც ჩანს, რომ კომპანია მომხმარებლებისგან Dislike-ები დამალვას ცდილობს.

👍👎 In response to creator feedback around well-being and targeted dislike campaigns, we're testing a few new designs that don't show the public dislike count. If you're part of this small experiment, you might spot one of these designs in the coming weeks (example below!). pic.twitter.com/aemrIcnrbx
— YouTube (@YouTube) March 30, 2021

დიზაინში, რომელიც კომპანიამ თავის ტვიტერის გვერდზე გააზიარა, Dislike-ის ღილაკი ისევ ჩანს, თუმცა აღარ ჩანს დისლაიქების რაოდენობა, რომელიც რეალურ დროში ახლდება. YouTube-ის თქმით, ვიდეოების ავტორები YouTube Studio-ს მეშვეობით მაინც შეძლებენ მათ ნახვასა და დათვლას.

კომპანიის განცხადებით, ახალი დიზაინის ტესტირება იუთუბერების უკუკავშირზე დაყრდნობით დაიწყეს. ხშირია შემთხვევები, როდესაც რომელიმე ვიდეო მასიური Dislike კამპანიის მსხვერპლი ხდება, რაც კონტენტის შემქნელებზე ცუდად აისახება.

მომხმარებლებს ვიდეოების დადისლაიქება ისევ შეეძლებათ, თუმცა, როგორც უკვე აღვნიშნეთ, მათი რაოდენობა დაფარული ქინება.

ბოლო ამბები:

გირჩევთ