ქართული ოცნების თავმჯდომარემ, ირაკლი კობახიძემ გიორგი რურუაზე საუბრისას თქვა, რომ ვინც პოლიტიკოსი არაა, პოლიტპატიმარი ვერ იქნება. მან ჟურნალისტების მიერ დასმულ კითხვას უპასუხა, რომელიც რურუას პატიმრობასა და მის გათავისუფლებას ეხებოდა.

"ვინც არ არის პოლიტიკოსი, ვერ იქნება პოლიტპატიმარი. მარტივი აქსიომაა. აქ ხომ რთულ თემებზე არ ვსაუბრობთ", — აღნიშნა კობახიძემ, რის შემდეგ დაუზუსტეს, რომ საუბარია პოლიტიკურად მოტივირებულ საქმეზე:

"თუ არალეგალურად აფინანსებდა პოლიტიკას, მაშინ ეს სხვა დანაშაულია. [მოძრაობა] სირცხვილიაც პოლიტიკური ორგანიზაციაა, ყველამ იცის".

რაც შეეხება ამნისტიის შესახებ კანონის, რომელიც 20 ივნისის საქმეებს უნდა შეხებოდა, კობახიძე აღნიშნავს, რომ ეს შეთანხმების ნაწილი იყო და არა რეფორმების ნაწილი. ამიტომაც მასზე პასუხისმგებლობას არ აიღებენ.