პარლამენტის თავჯდომარე, დავით უსუფაშვილი განმარტავს, რომ სახელმწიფოს ყველა უწყება თავის მოვალეობას ასრულებს იმისთვის, რომ საოკუპაციო ხაზთან სტაბილური მდგომარეობა იყოს, მაგრამ ეს საკმარისი არ აღმოჩნდა და ამიტომ საქართველომ საერთშორისო მექანიზმებს უნდა მიმართოს.

უსუფაშვილი განმარტავს, რომ როდესაც ადამიანის სიცოცხლე კონფლიქტს ეწირება, ბუნებრივია ფაქტია საზოგადოებისგან კითხვების გაჩენა, თუმცა მიაჩნია, რომ სახელმწიფოს ყველა უწყება ასეთ შეკითხვებზე სრულიად დამაჯერებელ პასუხებს სცემს:

"საქართველოს ტერიტორიების ნაწილს აკონტროლებს ოკუპანტი, ეს კონტროლი ხორციელდება შეიარაღებული ძალების გამოყენებით. ჩვენ ვიცით, რომ ერთადერთი საერთაშორისო ინსტრუმენტი, რომელიც მონიტორინგს ახორციელებს ამ პროცესზე არის ევროკავშირის სადამკვირვებლო მისია, რომელსაც მხოლოდ საოკუპაციო ხაზის ერთ მხარეს აქვს ამ საკითხებზე ხელმისაწვდომადობა. ჩვენ ვიცით, რომ ეს კონფლიქტი შეიარაღებული გზით, საქართველოს ინიციატივით თუ მონაწილეობით, ვერ და არ გვარდება".

უსუფაშვილმა ასევე მიუსამძიმრა გარდაცვლილ გიგა ოთხოზორიას ოჯახს და ყველას სთხოვა, რომ დასმულ შეკითხვებზე სანამ პასუხებს არ მოისმენენ, დასკვნები არ გამოიტანონ.