ერთიანი ნაციონალური მოძრაობის წევრი, რომან გოცირიძე AstraZeneca-ს ვაქცინით აიცრა. ამის შესახებ ის საკუთარ ფეისბუქ გვერდზე წერს და შესაბამის ფოტოსაც ურთავს.

"მქონდა არჩევანი ასტრა-ზენეკასა და ფაიზერს შორის. სპეციალურად ავიცერი ასტრა-ზენეკათი, გასაგები მიზეზების გამო. რა მნიშვნელობა აქვს რომლით აიცრი, როცა ორივე კარგია?", — წერს გოცირიძე ფეისბუქში.

AstraZeneka მქონდა არჩევანი ასტრა-ზენეკასა და ფაიზერს შორის. სპეციალურად ავიცერი ასტრა-ზენეკათი, გასაგები მიზეზების გამო. რა მნიშვნელობა აქვს რომლით აიცრი, როცა ორივე კარგია?😊

Posted by Roman Gotsiridze on Saturday, 27 March 2021

საქართველოში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო. ვაქცინაციის პროცესში 65 წელს ზევით მოქალაქეები 25 მარტიდან ჩაერთვნენ.

მინისტრის მოადგილე, თამარ გაბუნიამ კი არ გამორცხავს, რომ ვაქცინაციის პროცესში ჩართვის შესაძლებლობა ახალ ჯგუფს — 55 წლის ზევით ასაკის მოქალაქეებსაც მისცენ.