საქართველოს ფინანსთა სამინისტროს შემოსავლების სამსახურმა 150 ლიტრი არყის აქციზის გარეშე გადაზიდვის ფაქტი გამოავლინა. უწყების ინფორმაციით, არყის ღირებულება 750 ლარია.

"აქციზური მარკით სავალდებულო ნიშანდებას დაქვემდებარებული საქონელი ჩამორთმეულია უსასყიდლოდ," - აღნიშნულია შემოსავლების სამსახურის მიერ გავრცელებულ განცხადებაში.

შემოსავლების სამსახურის განმარტებით, უწყებამ საქართველოს საგადასახადო კოდექსის 192-ე მუხლის მე-5 ნაწილის შესაბამისად იმოქმედა. ამ მუხლით, ჩამორთმევის მომენტიდან საქონელი სახელმწიფო საკუთრებად ითვლება და მისი რეალიზაცია, ან განადგურება ხორციელდება საქართველოს ფინანსთა მინისტრის მიერ დადგენილი წესით.

უწყებამ 13 თებერვალს შეადგინა ადმინისტრაციული სამართალდარღვევის ოქმი და სასამართლოს გადაუგზავნა.