დაავადებათა კონტროლის ეროვნული ცენტრის ხელმძღვანელი, ამირან გამყრელიძე მიესალმება ლევან ბუთხუზის ინიციატივას, პოპულარიზაციის მიზნით, საზოგადოებისთვის ცნობილი სახეების ვაქცინაციის პროცესში ჩაერთონ. მისივე თქმით, ამაზე მსჯელობა სამინისტროს ვაქცინაციის საბჭოზეც იყო.

"დიდი მადლობა ამ ინიციატივისთვის, ბატონი ლევან ბუთხუზის წერილი დღეს შემოვიდა ჩემთან, 80-მდე ადამიანი აწერს ხელს. ბატონ ლევანს დიდ პატივს ვცემ... ეს ინიციატივა მხოლოდ და მხოლოდ მისასალმებელია. ამაზე გუშინ იყო მსჯელობა სამინისტროს ვაქცინაციის საბჭოზეც და იყო შეთანხმება, რომ ამ ინიციატივას შემხვედრი ნაბიჯები უნდა. შესაბამისი დოზები ვაქცინებისა, რაც ძალიან ლიმიტირებულია, უნდა გამოიყოს ამ მიზნით. კარგი იქნება, თუ გამოიყოფა ამ ჯგუფიდან 2-3 ადამიანი, რომ კონკრეტულ გეგმაზე შევჯერდეთ... მზად ვართ, შემდგომ ნაბიჯებზე ჩამოვყალიბდეთ და გავაკეთოთ ეს განცხადება... პირიქით მადლობელი, თუ იქნება კარგი მაგალითები მოსახლეობისთვის, — განაცხადა გამყრელიძემ ღამის მთავარში.

საქართველოში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო.