ქართული ოცნების დეპუტატის, ირაკლი მეზურნიშვილის თქმით, ყოფილ პრემიერმინისტრ გიორგი გახარიას იცნობს და ამბობს, რომ ის დესტრუქციული ნამდვილად არ იქნება.

"სასურველია, რაც შეიძლება მეტი პოლიტიკური პარტია გაჩნდეს ოპოზიციაში, რადგან ჩვენ ვხედავთ, რომ არსებული ოპოზიცია ქვეყნის ინტერესებს არ პასუხობს. ვიცნობ ბატონ გახარიას და დარწმუნებული ვარ, ის დესტრუქციული ნამდვილად არ იქნება", — განაცხადა მეზურნიშვილმა TV პირველთან.

პრემიერობიდან გადადგომის შემდეგ, გიორგი გახარიამ ჟურნალისტებს პირველად განუცხადა, რომ პოლიტიკიდან წასვლას არ აპირებს.

"რეალურად, გეგმებს მივყვებით, ჩვენს დღის წესრიგს, რაც მოგვცემს იმის შესაძლებლობას და საშუალებას, რომ უახლოეს პერიოდში ყველაფერი დეტალურად გაგიზიაროთ და მოგიყვეთ", — განაცხადა გახარიამ.

მოგვიანებით, პოლიტიკაში დარჩენის შესახებ მან ფეისბუქზე დაწერა.