ავიაკომპანია Wizz Air-მა 2021 წლის ზაფხულის ფრენების ნაწილი ქუთაისიდან გააუქმა. კომპანიაში აცხადებენ, რომ ამის მიზეზი COVID-19-ით გამოწვეული საერთაშორისო შეზღუდვები და კონკრეტულად კი ევროკავშირის რეგულაციებია.

"საავიაციო ინდუსტრიაში მიღებული პრაქტიკაა, რომ ფრენების სიხშირეები სამოგზაურო სეზონების, კონკრეტულ პერიოდში აქტუალური მიმართულებებისა და გაუთვალისწინებელი ფორს მაჟორული სიტუაციების მიხედვით იცვლება. Wizz Air-მა ქუთაისიდან 2021 წლის ზაფხულის სეზონზე ფრენები რამდენიმე მიმართულებით შეაჩერა. ამ ცვლილების შედეგად დაზარალებულ მგზავრებს ავტომატურად მიუვათ შეტყობინება ცვლილების შესახებ და შეთავაზება ბილეთის გადაცვლის, თანხის 100%-ის ბარათზე დაბრუნების ან 120%-ის Wizz Air-ის ანგარიშზე დაბრუნების შესახებ", — ამბობს ანდრაშ რადო, Wizz Air-ის კომუნიკაციების ხელმძღვანელი.

როგორც კომპანიაში ამბობენ, Wizz Air-ს ფრენების განახლებასთან დაკავშირებით შეტანილი აქვთ განაცხადი საქართველოს სამოქალაქო ავიაციის სააგენტოში და იმედოვნებენ, რეგულაციები და შეზღუდვები ოპერირების განახლების საშუალებას მისცემთ.