თბილისში 9 ადამიანი, სავარაუდოდ, შაურმით მოიწამლა. მათ შორის იყო 17 წლის მოზარდი. ინტოქსიკაციით ისინი ბოჭორიშვილის კლინიკაში მოხვდნენ.

როგორც კლინიკის პრესსამსახურში On.ge-ს განუცხადეს, რამდენიმე საათის შემდეგ პაციენტებმა საავადმყოფო დატოვეს.

სურსათის ეროვნულ სააგენტოში აცხადებენ, რომ მიღებული შეტყობინების საფუძველზე საშაურმე რეტროში შემოწმება დაიწყეს.