ქართული ოცნების დეპუტატის, სოზარ სუბარის თქმით, ნაციონალური მოძრაობის თავმჯდომარის, ნიკა მელიასთვის პატიმრობის უკანონო შეფარდებაზე მის პარტიას ეჭვი რომ ჰქონდეს, აღკვეთის ღონისძიებად პატიმრობის შეფარდებას სტრასბურგის სასამართლოში გაასაჩივრებდნენ.

"40 000 ლარი, ეს არის 10 000 ევრო და გადახდის შემთხვევაში ეს ადამიანი [ნიკა მელია] არის თავისუფალი. თუ პარტია და ამ პარტიის დე ფაქტო მმართველი ტოვებს პატიმრობაში, ამაზე ვერაფერს ვიზამთ. თუმცა, მათაც რომ ეჭვი ჰქონოდათ უკანონო პატიმრობაზე აღკვეთის ღონისძიების შეცვლაზე წავიდონენ სტრასბურგში და იქ მოხდებოდა შეცვლა ამ აღკვეთის ღონისძიების, მაგრამ ესეც არ გააკეთეს. ძალიან კარგად იციან, რომ ყველაფერი არის კანონის ფარგლებში", — განაცხადა სუბარმა.