ევროპარლამენტარის, პეტრას აუსტრევიჩუსის განცხადებით, ევროპული საბჭოს პრეზიდენტის, შარლ მიშელის საქართველოში ვიზიტი დასაფასებელია და მან კარგი სამუშაო შეასრულა.

"ჩემი აზრით, უნდა დავაფასოთ და მადლობელი ვიყოთ შარლ მიშელის ვიზიტის. მან ძალიან კარგი სამუშაო შეასრულა. საქართველოში ჩამოვიდა ძალიან ნათელი გზავნილებით და ორივე მხარეს დაუტოვა 6-პუნქტიანი გეგმა, რომელიც ორივე მხარემ უნდა შეასრულოს. ძალიან დროული და სწორი გადაწყვეტილებაა კრისტიან დანიელსონის დანიშვნაც, რომელიც ევროკომისიის წარმომადგენელია შვედეთში. მას 20 წელია ვიცნობ, იყო ჩართული გაფართოების პოლიტიკაში, იყო შვედეთის მისიის წევრი აქ ბრიუსელში. ჩემი შეფასება მის მიმართ არის საუკეთესო, არის შრომისმოყვარე, კომპეტენტური, დაბალანსებული დიპლომატი, ექსპერტი აღმოსავლეთ პარტნიორობის კარგი მცოდნე და მიმაჩნია, რომ მისი მონაწილეობა ნამდვილად საჭიროა. მხოლოდ მივესალმები ამ გადაწყვეტილებას", — აცხადებს აუსტრევიჩუსმა ფორმულას ეთერში(ფორმულას თარგმანი).

ხელისუფლებისა და ოპოზიციის წარმომადგენლებს შორის შარლ მიშელის მონაწილეობით შეხვედრა პრეზიდენტის ადმინისტრაციაში პირველ მარტს გაიმართა. შეხვედრაზე პოლიტიკური დიალოგის განახლების 6-პუნქტიან გეგმაზე იმსჯელეს.

მას შემდეგ, რაც სავრაუდოდ, ირაკლი ღარიბაშვილის, ბერა ივანიშვილისა და ანზორ ჩუბინიძის მონაწილეობით ფარული ჩანაწერი გავრცელდა, მოლაპარაკების გაგრძელება კითხვის ნიშნის ქვეშ დადგა. ოპოზიციის ნაწილმა მოითხოვა, რომ ღარიბაშვილი მოლაპარაკებებს აღარ დაესწროს, თუმცა ოპოზიციის საერთო შეხვედრის შემდეგ პარტიებმა განაცხადეს, რომ მმართველ გუნდს მოლაპარაკების ჩაშლის საბაბს არ მისცემენ.